Ana səhifə İdman |
"Mən hələ Çempionlar Liqasının başlanmasından əvvəl xahiş etdim ki, Lvovda oynayaq". Apasport.az saytının məlumatına görə, bu sözləri Avropa Liqasının qrup mərhələsində "Qarabağ"ın rəqibi "Dnepr"in baş məşqçisi Miron Markeviç deyib.
Dnepropetrovsk klubu Ukrayna Premyer Liqasının XI turununda "Lvov Arena"da "Şaxtyor"la üz-üzə gəlib. Oyun 0:0 heç-heçə ilə başa çatıb.
Təcrübəli çalışdırıcı matçdan sonra qarşılaşma haqda fikirlərini bildirib: "Lakin qərar qəbul edən klub rəhbərliyi var. Əgər imkan varsa, biz Lvovda oynamaq istərdik. Kiyevdə "Dnepr"i sevirlər, buna şübhə yoxdur. Orada boş stadiona çıxırsansa... Bizə bu gün, Fransa və Bakıda oynamaq xoş oldu. "Qarabağ"la Kiyevdəki görüşdə azərbaycanlı azarkeşlər bizimkilərdən çoxdursa, daha nədən danışırıq? Meydana çıxanda 70 min nəfərlik stadionu boş görürsən. Xahiş etmişəm ki, "Dimamo"da oynayaq. Çünki orada tribunalar elə də boş deyil".
Qeyd edək ki, Avropa Liqasının qrup mərhələsində "Qarabağ"a Kiyevdə "Dnepr" 0:1 hesabı ilə qalib gəlib. Bakıdakı matçda isə Ağdam təmsilçisi 1:2 hesabı ilə uduzub.
Tarix
2014.11.10 / 02:00
|
Müəllif
Axar.az
|