Ana səhifə Toplum |
"Neftçi"nin veteran futbolçusu Maşallah Əhmədovla İmişlinin icra başçısı Vilyam Hacıyev arasında pul qalmaqalına son qoyulub. Xəbərə görə, V.Hacıyev M.Əhmədova Göygöl, Samux və İmişlidə gördüyü işlərin müqabilində 2 milyon manatı ödəməkdən imtina edib.
Axar.az xəbər verir ki, icra başçısı barəsindəki ittihamlara aydınlıq gətirib. V.Hacıyev Vətəninfo.az-a deyib: "İmişli rayonunda abadlıq və quruculuq işlərinin görülməsi üçün ölkə prezidenti cənab İlham Əliyevin sərəncamı ilə 2 milyon manat vəsait ayrılmışdı. Podratçı şirkətlə müqavilə imzalanıb və görülən işlərin həcmində bu vəsait şirkətin hesabına köçürülüb.
Bu məsələ ilə bağlı dəfələrlə mən özüm açıqlama vermişəm və bəyan etmişəm ki, İmişli rayonunda abadlıq və quruculuq işlərində Maşallah Əhmədov hər hansı şəkildə iştirak etməyib və ona bir qəbik belə borclu deyilik".
V.Hacıyev qeyd edib ki, üç dəfə Maşallah Əhmədov haqqında Bakı Şəhər Prokurorluğunda cinayət işi açılıb:
"Maraqlıdır ki, hər dəfə də Maşallah Əhmədov özünü bu açılan cinayət işlərindən qurtara bilib".
İcra başçısı onu ittiham edən mətbu orqanları məhkəməyə verəcəyini söyləyib:
"Böhtan yazanlardan hüquqlarımızı məhkəmə müstəvisində qorumağa çalışanda bu media orqanları Mətbuat Şurasına müraciət edərək, onlarla bağlı məhkəmə proseslərinin durdurulması üçün xahiş-minnət edirlər. Niyə yalan və böhtan yazırsınız ki, sonra da xahiş və minnətçi olursunuz? Bunu bəri başdan araşdırın, mövqeyimizi öyrənin, sonra yazın".
Tarix
2014.11.08 / 13:54
|
Müəllif
Emin Aslanlı
|