Oğuz rayonunda orijinal təbliğat kampaniyası başlanıb. Rayon ərazisində müxtəlif yerlərdə "Qarabağı və Xocalını unutma" şüarı yazılmış transparantlar yerləşdirilib.

Axar.az xəbər verir ki, reklam lövhələrinin yerinə vurulan bu çağırış xarakterli şüar rayona gələn hər kəsin diqqətini cəlb edir. Məlumata görə, bu aksiya İcra Hakimiyyəti tərəfindən təşkil olunub. Məqsəd işğal olunmuş torpaqlarımızı və soyqırımı hər gün yada salmaqdır. Adətən təqvimdə yalnız qara rənglə işarələnmiş günlərdə işğal hadisələri xatırlanır. Oğuz rəhbərliyi bu mənada qərara alıb ki, reklam lövhələrindənsə, vətənpərvərliyi aşılayan təbliğat kampaniyası həyata keçirsin. Yerli sakinlər bu cür aksiyaların ölkənin hər yerində təşkil olunmasını vacib sayırlar.