Ana səhifə İqtisadiyyat |
"Rusiyada sistemli bank böhranı başlayıb".
Axar.az xəbər verir ki, bu açıqlama ilə iqtisadçı Rövşən Ağayev öz Feysbuk səhifəsində çıxış edib.
O, sistemli bank böhranının əlamətlərindən birinin Rusiyada müşahidə edildiyini deyib:
"Rusiyalı analitiklər ölkələrində artıq sistemli bank böhranının başlandığını elan edirlər və yaxın dövrlərdə böhranın daha da dərinləşəcəyi qənaətindədirlər. Onları bu qənaətə gətirən əsas səbəb budur kİ, sistemli bank böhranının baş verməsinin 3 mühüm əlamətindən ən azından biri Rusiyada artıq müşahidə edilib: söhbət müştərilərin öz hesablarından böyük həcmdə vəsaitləri geri çəkmə tendensiyasının güclənməsindən gedir. Hələ bu ilin 1-ci rübündə fiziki şəxslərin depozitləri 4%-dək azalıb və bu proses son bir ayda daha da güclənib. 2-ci əlamət problemli bank aktivlərinin ümumi aktivlərə nisbətinin 10%-i ötməsidir. Artıq Rusiyada həmin göstəricinin 8%-i aşdığı bildirilir. Hələlik 3-cü əlamət - fəaliyyətdə olan bankların 10%-dən çoxunun yenidən təşkili və ya milliləşdirilməsi müşahidə edilmir. Amma böhranın dərinləşəcəyi və ömrünün uzanacağı təqdirdə bu da qaçılmaz ola bilər. Putinsevərlər bilməlidir: O, Rusiyanı çıxılmaz və uğursuz zolağa salıb. Bu adamı güclü edən 100-110 dollarlıq neft idi, onun liderlik qüdrəti yoxdur. Yeltsin mağmın lider deyildi. Sadəcə, hakimiyyətdə olduğu 10 ildə ölkəni 10-20 dollarlıq neftlə idarə elədi".
Tarix
2014.10.16 / 16:40
|
Müəllif
İlkin Həsənov
|