Ana səhifə Gündəm |
Türkiyənin Millət vəkili Yalçın Akdoğanın Baş nazir Əhməd Davudoğlunun müavini postuna gətiriləcəyi ilə bağlı xəbərlər yayılıb.
Axar.az xəbər verir ki, bu iddia ilə "Tərəf" qəzeti çıxış edib.
Qəzetdə yer alan xəbərlərə görə, Ərdoğanın Nazirlər Kabinetinin yığıncağına Akdoğanla gəlməsi buna işarədir.
Bundan əlavə bildirilir ki, Akdoğanın yeni kabinetdə olacağı və Bülənt Arınçın yerinə hökumət sözçüsü olacağı da iddialar arasında yer alıb.
Bu barədə Akdoğan jurnalistlərin sualını cavablandırarkən "Kim Ərdoğana qarşıdırsa, qarşısında məni görəcək", - deyərək bir növ özünün yeni kabinetdə olduğunu təsdiq etmiş olub.
Qəzetin verdiyi məlumata görə, Akdoğan Ərdoğanın "Aktiv prezident" layihəsini dəsəkləyənlərdən biri olmaqla bərabər, "Paralel dövlət" əməliyyatlarına qarşı kəskin mübarizə aparan siyasətçi kimi tanınır.
Eyni zamanda Akdoğanın ermənilərə qarşı kompromisə getmədiyi, onları sərt şəkildə tənqid etdiyi heç kimə sirr deyil.
Tarix
2014.08.26 / 18:36
|
Müəllif
Şəmsəddin Ənsar
|