Türkiyənin Meşə və Su İşləri Nazirliyinin məsləhətçisi Sədat Kadıoğlu ölkədə suyun şüurlu şəkildə istifadə olunmadığı təqdirdə 2020-ci ildə Türkiyənin susuz qalacağını bildirib.

Axar.az xəbər verir ki, 24-cü Araz hövzəsinin idaərçiliyi yığıncağına qatılan nazirlik sözçüsü lazımlı tədbirlər alınmasa, su böhranının yaşanacağını qeyd edib. Onun sözlərinə görə, vəziyyət kritik həddə çata bilər:

"Bu artıq həqiqətdir. Hazırda Türkiyə sudan kasıb deyil, amma zəngin də deyil. Bu gün şüurlu şəkildə suyumuzu istifadə etməsək, 5 il sonra çətinliklər başlayacaq. İndi Türkiyədə adambaşına ortalama düşən su miqdarı 1500 kubmetrdir. Amma lazımlı tədbirlər görülməsə, 2020-ci ildən sonra riskli bölgələr sırasına daxil olacağıq. Türkiyənin ən etibarlı su ehtiyatı Araz hövzəsindədir. Amma buna arxayın olmaq düzgün deyil".

Yığıncağın sonunda 60 nəfərdən ibarət 24 saylı Araz hövzəsi idarə heyəti yaradılıb.