Rusiya Prezidenti Vladimir Putinin Krıma səfəri çərçivəsində Ukraynanın şərqində vəziyyət yenidən gərginləşib.

Axar.az xəbər verir ki, Ukrayna ordusunun gecə saatlarında Donetsk bölgəsi istiqamətində başladığı hərbi əməliyyatlar nəticəsində 4 nəfər həlak olub, 11 nəfər isə yaralanıb. Yerli sakinlərin verdiyi xəbərə görə, son 3 gündə hərbi əməliyyatlarda 15 Ukrayna hərbçisi həlak olub.

Hərbi əməliyyatların şiddətləndiyi bir vaxtda bölgədən mülki insanların çıxarıldığı da bildirilir. Ukrayna rəsmilərinin verdiyi məlumata görə, ötən 14 gün ərzində 7 min ukraynalı bölgədən çıxıb. Bu arada Ukrayna parlamenti Rusiyaya qarşı sanksiyalara start verib. Sanksiyalar çərçivəsində Rusiyanın 172 rəsmi şəxsi və 65 təşkilatı qara siyahıya salınıb.