Ukrayna Ali Radası Rusiyaya qarşı hökumət tərəfindən hazırlanmış sanksiyaların tətbiqi haqqında qanunu qəbul edib.

Axar.az xəbər verir ki, bu barədə informasiyanı Ukrayna mətbuatı yayıb.

Məlumatda qəbul edilmiş qanunun 243 deputat tərəfindən dəstəkləndiyi deyilir.

"Svoboda" ("Azadlıq") partiyasının üzvü, deputat Oleq Tyaqnibok sanksiyalara münasibətini belə bildirib:

"Biz öz sanksiyalarımızla Moskvanı dağıtmalıyıq".

Ukraynalı digər deputat Sergey Sobolev isə sanksiyaların Rusiyanı dayandırmağın yeganə yolu hesab edir:

"Bu, təcavüzkarı dayandırmağın yeganə yoludur. Putinin qarşısını dünya sanksiyaları ilə birgə bizim sanksiyalarımız və ordumuz alacaq. Əgər sən təcavüzkarı dayandırmaq istəyirsənsə, o zaman sanksiyaları dəstəkləməlisən".