İraq Regional Kürd rəhbəri Məsud Bərzaninin Ərbil Beynəlxalq Kitab Sərgisində satılmayan "Fətullah Gülən və kürd problemi" adlı kitabı alması əsərə marağı artırıb.

"Axar.az" xəbər verir ki, müəllif Kərim Rebvar Fəthullah Gülənə aid fikirlərin ilk dəfə əks olunduğu bir kitabın bölgədə satışa çıxarıldığını və kitabda Gülənin bioqrafiyasının, düşüncələrinin və xüsusilə kürd problemi ilə bağlı fikirlərinin yer aldığını deyib.

Kitabda AKP-nin uğurlarında "Xidmət hərəkatı"nın böyük rol oynadığını və AKP-nin iqtidara gəldiyi zaman bəzi qrupların təsiri altından azad olmasında bu hərəkatın dəstəyinin inkaredilməz olduğu bildirilib.

Yazar Gülənin kitabdaki fikirlərinin çox səmimi olduğunu və onun dürüstcəsinə düşüncələrini dilə gətirdiyini və Gülənin "Kürd dili ana südü kimi halaldır" deməsindən xeyli təsirləndiyini qeyd edib.

Bölgədəki türk məktəbləri ilə bağlı danışan Kərim "Xidmət hərəkatı"na məxsus məktəblərin bağlanılmasının əleyhinə olduğunu və türk məktəblərinin təhsilinin kifayət qədər keyfiyyətli olduğunu vurğulayıb.