Ana səhifə Gündəm |
AKP-nin etirazlarına görə daha əvvəl 14 dəfə sayılan Ağrı Bələdiyyə sədrliyi və bələdiyyə məclisi seçkisi üçün verilən səslər 15-ci dəfə sayılacaq.
"Axar.az" Türkiyə mətbuatına istinadən xəbər verir ki, Türkiyədə 30 mart bələdiyyə seçkilərinin nəticələri bəzi rayon və şəhərlər hələ də bəlli deyil. Bəlli olan nəticələrə isə məğlub olan namizədlər etiraz edir. Elə bu hadisələrdən biri də Ağrı şəhərində yaşanıb. Belə ki, seçkini kürdləri təmsil edən BDP-nin (Barış və Demokratiya Partiyası) qazanmasına baxmayaraq, indiyənə kimi nə az, nə çox - düz 14 dəfə səslər təkrarən sayılıb. BDP-çi namizəd Sırrı Sakıka 10 səs fərqi ilə məğlub olan hakim partiya AKP-nin namizədi Həsən Arslan seçki nəticələrinin 15-ci dəfə də sayılmasını tələb edib. Şəhər Seçki Komissiyası da bu tələbi haqlı görərək səslərin təkrarən sayılması haqqında göstəriş verib.
Tarix
2014.04.04 / 18:40
|
Müəllif
Vüsal Tağı
|