Beynəlxalq auksion saytlarından birində üzərində Azərbaycan Respublikasının keçmiş prezidenti Heydər Əliyevin fotosu olan medal hərraca çıxarılıb.

"Axar.az"ın məlumatına görə, Azərbaycandan Samir adlı şəxs tərəfindən martın 24-də hərracda satışa çıxarılan medalın qiyməti artıq 2000 ABŞ dollarına çatıb. Medalın satışı aprelin 7-si axşam saatlarında tamamlanacaq.

Satışda metalın göstəriciləri də qeyd edilib:

İl: 2013.

Metal: Qızıl.

Diametr: 38.61 mm.

Çəki: 31.21 qr.

Sertifikat: orijinal taxta qutu.

Xatırladaq ki, bundan əvvəl müxtəlif ölkələrin prezident və dövlət xadimləri ilə bərabər, ölkə prezidenti İlham Əliyevin də avtoqraflı fotolarının eyni saytda satışı təşkil edilmişdi.