Ana səhifə Gündəm |
"Rəcəb Tayyib Ərdoğan bu gün saat təxminən 13.30-da Əjdərbəy məscidində namazını qılacaq".
Bunu "Publika.az"a açıqlamasında Əjdərbəy məscidinin axundu Hacı İlham Adiloğlu bildirib.
Onun sözlərinə görə, Ərdoğanın Əjdərbəy məscidinə gəlişi zamanı
onu Qafqaz Müsəlmanları İdarəsinin (QMİ) sədri Allahşükür Paşazadə
müşayət edəcək. İlham Adiloğlu deyib: "Ərdoğanın Bakıya səfəri
zamanı məsciddə namaz qılması ilə əlaqədar ötən gündən etibarən
məsciddə yüksək səviyyədə hazırlıq işlərinə başlanılıb, təmizlik
işləri və qarşılanma hazırlığı aparılır. Namaz qılan zaman möhtərəm
şeyximiz də orada olacaq. Yəqin ki, Qafqaz Müsəlmanları İdarəsinin
(QMİ) sədri, hörmətli Allahşükür Paşazadə də məscidin adından Rəcəb
Təyyib Ərdoğana münasib hədiyyə bağışlayacaq.
Ümumiyyətlə, Əjdərbəy məscidinin üstünlüyü ondadır ki, Azərbaycana
gələn qonaqlar adətən burada namaz qılırlar. Onun üçün də bizim
məscid hər zaman qonaqları yüksək səviyyədə qarşılamağa tam
hazırdır. İndiyədək dövlət səviyyəsində bu cür hallar çox olub.
Bizim məsciddə namaz qılmağa təkcə Türkiyədən deyil, digər
ölkələrdən də gələnlər var".
Tarix
2014.04.04 / 12:05
|
Müəllif
Axar.az
|