Ana səhifə Planet |
Rusiya Xarici işlər naziri Sergey Lavrov ABŞ hərbi gəmilərinin Qaradənizdə qalma müddətinin bitdiyini və Montrö konvensiyasının pozulduğu barədə Türkiyə və ABŞ-a xatırlatma edib.
"Axar.az" xəbər verir ki, Lavrov məsələ ilə bağlı açıqlamasında Qara dənizdə sahili olmayan ölkələrin bu sularda üzmələri barədə vaxt meyarının olduğunu və ABŞ hərbi gəmilərinin bu qaydaları pozduğunu bildirib.
Nazir həmçinin Rusiya tərəfinin məsələyə mövqeyini qeyd edib: "Biz bu məsələdə Türkiyə və ABŞ-a Montrö müqaviləsinin bütün maddələrinin pozulduğunu bildirdik. Moskva bu müqavilənin bütün maddələrinin qəti şəkildə yerinə yetirilməsinin tərəfdarıdır. Biz bu məsələni gündəmdə saxlayacağıq".
Rusiya mətbuatının yazdığına görə, Amerikanın döyüş gəmiləri 6-7 mart tarixlərində Qara dənizə daxil olub və bir həftə sonra gəminin qalma müddəti martın 21-nə kimi uzadılıb.
Xatırladaq ki, Gürcüstan böhranı ərəfəsində də belə bir problem yaşanmışdı. Sergey Lavrov Türkiyənin sabiq Xarici işlər naziri Əli Babacanla görüşü zamanı məsələni müzakirə edərək, razılığa gəlmişdi.
Tarix
2014.04.03 / 20:13
|
Müəllif
Pərviz Həsənov
|