Ana səhifə Kult |
"Hər kəs duysun ki, mənim əxlaqımı şübhə altına alan birinin nə şərəfi, nə vicdanı, nə də Allahı var!".
"Axar.az"ın məlumatına görə, bu sözləri "Qatil" tamaşasının rejissoru Mehriban Ələkbərzadə öz feysbuk profilində yazıb.
M.Ələkbərzadə ad çəkmədən yazır ki, mənim haqqımda hər hansı pis fikir söyləyən evdəki ana-bacısından şübhəlilərdir: "Gör nə qədər namussuz olmaq lazımdır ki, mənim kimi qadına "həyatını səhnəyə gətirir" deyə biləsən. Bilirəm ki, çirk içində olanlar çamurdan çiyrənməz. Belə alçaqlardır bacısını, qızını kimləsə səhv salır. Allah belə böhtanına görə səni məhz namusundan vurar, inşallah! Mən daha söz tapmıram belə şərəfsizlərə. Ay Qanmazlar! Mən tamaşa hazırlamışam! Sizin daha heç bir vaxt edə bilməyəcəyiniz sənət işi görmüşəm. Sabah "Əmir Teymur", dünən "Qatar altına atılan qadın", Niyə çatlayırsınız? Buna da paxıllıq edirsiz, ay həşaratlar?"
Xatırladaq ki, Akademik Milli Dram Teatrında səhnəyə qoyulan, Mehriban Ələkbərzadənin rejissoru olduğu "Qatil" tamaşasındakı yataq səhnələri tamaşaçılar tərəfindən birmənalı qarşılanmamışdı.
Tarix
2014.04.03 / 18:56
|
Müəllif
Nigar İxtiyarqızı
|