Bomba Pərviz Müşərrəfin korteji keçəndən sonra partlayıb.

"Axar.az" xarici mətbuata istinadən xəbər verir ki, bu gün səhər saatlarında Pakistanın keçmiş prezidenti Pərviz Müşərrəfin korteji keçən yola bomba qoyulub. Həmin vaxt eks-prezident paytaxt İslamabaddan Ravalpindi şəhərindəki xəstəxanaya müayinə olunmaq üçün gedirmiş. Yerli polis rəisinin verdiyi məlumata görə, bomba maşın karvanı keçəndən sonra partlayıb.

Bir gün öncə Pakistan Silahlı Qüvvələrinin Kardioloji İnstitutuna baş çəkən keçmiş prezidentin ürəyində narahatlıq olduğu deyilir.

Pərviz Müşərrəf Pakistanın keçmiş prezidentidir və 2013-cü ildəki seçkilərdə məğlub olaraq müxalifətdə qalıb.

Xatırladaq ki, bu, Pərviz Müşərrəfə qarşı təşkil edilən birinci sui-qəsd hadisəsi deyil.