Rusiya prezidentinin rəsmi saytının "Rusiya prezidentinin bioqrafiyası" adlı bölməsində dəyişiklik edilib.

"Axar.az" xəbər verir ki, Vladimir Putinin həyat yoldaş Lyudmila haqqında bütün məlumatlar çıxarılıb. İTAR TASS-ın, "bu korrektələr prezidentin rəsmi boşanması anlamına gəlirmi"- sualına cavabında dövlət başçısının mətbuat katibi Dmitri Peskov bildirib ki, bəli, bu, rəsmi boşanmanın xəbəridir.

Rusiya prezidentinin saytında yalnız onun qızları – Mariya və Katerina haqqında məlumat qalmaqdadır.

Xatırladaq ki, Vladimir və Lyudmila Putinlər boşanmaq qərarına gəldiklərini 2013-cü il iyunun 6-da televiziya vasitəsi ilə bəyan etmişdilər.