"Suriyanın əlində kimyəvi silahları və uzun mənzilli raketləri var. Türkiyə diqqətli olmalıdır".

"Axar.az" xəbər verir ki, bu sözləri İsrail casusu, MOSSADın sabiq rəhbərinin müavini və İsrail Baş naziri Binyamin Netanyahunun enerji və təhlükəsizlikdən məsul nümayəndəsi David Maidan deyib.

Türkiyədə olan İsrail nümayəndəsi Maidan MİT nümayəndəsi Hakan Fidanla görüşü zamanı Türkiyəyə xəbərdarlıq edib.

Maidan Suriyaya ediləcək hər hansı hərbi müdaxilənin böyük risk olduğunu, bu ölkənin dünyanın ən böyük kimyəvi silahlarına və uzaq mənzilli raketlərinə sahib ölkələr arasında yer aldığını qeyd edib.

Bundan əlavə, Suriya ordusunun əlində Rusiya və Çinə aid çoxlu sayda orta və uzaq mənzilli raket olduğu və bunların ciddi bir qisiminin Türkiyənin şərq və cənub-şərq bölgələrini, hətta Ankaranı vura biləcək gücdə olduğunu bildirib.

Bu sadalanılan risklər baxımından Türkiyənin Suriyaya hərbi müdaxiləsinə İsrailin müsbət yanaşmadığını da Maidan vurğulayıb.