"Ermənistan öz mənafeyi naminə BMT-də Rusiyanın mövqeyini dəstəkləyib".

"Axar.az" xəbər verir ki, bu açıqlama ilə "İrs" partiyasının sədri Ruben Akopyan çıxış edib.

O, Ermənistanın ən doğru addımı atdığını bildirib:

"Bilirəm indi siz təəccüblənəcəksiniz. Amma bitərəf qalmaqla əleyhinə səs vermək demək olar ki, eyni şeydir. Düşünmürəm ki, Ermənistan bu addımı təzyiq altında atıb. Ukrayna Kosovanın müstəqilliyini dəstəkləyib, amma Qarabağda ikili standart həyata keçirir. Ermənistan niyə ümuminsan maraqları çərçivəsində sakit qalmalıdır? Qarabağ məsələsi var. Ukraynanın ərazi bütövlüyünə səs verən bütün ölkələrin hər biri Qarabağla bağlı məsələyə gözlərini yumurlar".

Qeyd edək ki, dünən Ermənistan BMT-də Ukraynanın ərazi bütövlüyü ilə bağlı irəli sürülən qətnamənin əleyhinə səs verərək Krımın işğalını dəstəkləmişdi.