Türkiyədə kürd məsələsində qatı türk milliyətçisi kimi çıxış edən Fətullah Gülən şəbəkəsi mövzu Suriya olanda Əsəd rejiminin tərəfdarı olur.

"Axar.az" Türkiyə mətbuatına istinadən xəbər verir ki, dünən yayımlanan səs yazısında suriyalı müxaliflərə qarşı hirsini açıq ortaya qoyan Gülənin qaranlıq ortaqları Türkiyənin Suriya mövzusunda ən məhrəm sirlərini ifşa ediblər.

Suriya müxaliflərindən bəhs etməyərək məsələyə münasibətlərini ortaya qoyan gülənçilər yardım karvanına maneə törətməklə başlayan təxribatlarıyla MİT (Milli Kəşfiyyat Təşkilatı) və XİN məsləhətçiləri arasında baş tutan gizli danışığı dinləyib-yaymaqla xəyanətlərinin zirvəsini göstərdilər.

İrandan sonra Suriyalı məzlumlara ən böyük zərbəni vuran Gülən təşkilatı müxalif kimi görünməyə çalışsa da göründüyü kimi İran, Rusiya və Çin blokuna xidmət etməkdədir.

Beynəlxalq qüvvələrin oyuncağı və tətikçisi rolunda çıxış edən Gülən şəbəkəsinin ölkənin ən məhrəm sirlərini bütün düşmənlərə açması qatı milliyətçiliklərinin də saxta, yalan olduğunu ortaya çıxarır.