"Bu dəqiqə Rusiyanın qarşısında duran əsas vəzifə Ukraynanın növbədənkənar seçkilərini pozmaqdır".

"Axar.az" xəbər verir ki, bu sözləri Ukraynanın Milli Təhlükəsizlik və Müdafiə Şurasının katibi Andrey Parubiy söyləyib.

O, Rusiyanı Ukrayna hakimiyyətilə bağlı planlarının davam etdiyini bildirib:

"Rusiya hökuməti Ukraynayla bağlı taktikasını həyata keçirməyə davam edir. Bu gün onların əsas məqsədi mayın 25-də baş tutacaq olan növbədənkənar prezident seçkisinin pozulmasıdır. Məhz bunun ətrafında onların bütün planı cəmlənib. Krımın işğal edilməsi Rusiyanın Ukrayna ərazisinə girişinin ilk etapıdır".

Andrey Parubiyin sözlərinə görə, rus qoşunları Krımla bərabər Ukraynanın şimal və şərq sərhədlərində də yerləşir:

"Rus qoşunları təkcə Krımda deyil, eyni zamanda, Ukraynanın şimal və şərq sərhədləri olan Çerniqovda, Xarkovda, Donetskdə də yerləşdirilib. Onların ümumi sayı isə 100 minə çatır. Rus qoşunları artıq bir neçə həftədir ki, döyüşə hazır vəziyyətdədirlər".