Ana səhifə Toplum |
"Biznes jurnalistika" layihəsi çərçivəsində bir qrup jurnalist təlimlərdə iştirak etmək üçün Londona səfər edib.
Onların sırasında "Axar.az"ın əməkdaşı da var.
Səfər çərçivəsində jurnalistlər Bakıdakı təlimlərin ardı kimi biznes jurnalistikasının inkişaf etdirilməsi, bu sahədə müasir texnologiyaların imkanlarından yararlanması, yeni internet resurslarının yaradılması və digər istiqamətlərdə seminarlar keçəcək, eyni zamanda Britaniyanın tanınmış media mərkəzlərinin təcrübəsi ilə tanış olacaqlar.
Bu gün isə jurnalistlər Britaniyadakı Azərbaycan səfirliyinə baş çəkəcəklər.
Qeyd edək ki, sözügedən təlimlər British Council, Tomson Fondu və "Paşa bank"ın birgə təşkil etdiyi "Biznes jurnalistika" layihəsi çərçivəsində baş tutub. Bir il müddətində davam edən təlimlərə müxtəlif media orqanlarından müsabiqə yolu ilə seçilən 12 jurnalist qatılıb. Londondakı təlimlərdən sonra isə fərqlənən jurnalistlərə sertifikatlar təqdim ediləcək.
Tarix
2014.03.19 / 10:12
|
Müəllif
Axar.az
|