00:44

Bakının Binəqədi rayonu ərazisində avtomobil dayanacağı yanır.

"Musavat.com"un hadisə yerindəki əməkdaşının verdiyi məlumata görə, hadisə Naxçıvani küçəsi, 27 ünvanında qeydə alınıb. Yanğının avtomobillərə də keçdiyi bildirilir.

Hadisənin səbəbi hələlik məlum deyil.

01:32

Hadisə yerinə 8-dən artıq yanğınsöndürmə briqadası və təcili yardım maşınları cəlb edilib. Yanğın davam edir.

02:20

Fövqəladə Hallar Nazirliyinin (FHN) Dövlət Yanğından Mühafizə Xidmətinin qərargah rəisi Əkbər Novruzov hadisə yerindəki jurnalistlərə bildirib ki, yanğının səbəbləri ilə bağlı müxtəlif versiyalar var. Onlardan biri budur ki, obyektin yaxınlığında qalanan bayram tonqalından taxta konstruksiyalı dam örtüyünə alov düşüb və yanğın başlayıb.

Hadisə nəticəsində BMV markalı avtomobilin ön hissəsi yanıb.

Hazırda yanğın söndürülüb, yanğının səbəbləri araşdırılır.

İlkin məlumata görə, ümumi sahəsi 500 kv m. olan avtomobil təmiri sexinin 300 kv m. hissəsi yanıb.