Novruzu Baharqızı olmadan təsəvvür etmək mümkün deyil. Səhnəmizin məşhur xanımları da gözəllikləri ilə heç də Bahar qızından geri qalmırlar. Müğənni xanımlarımız hər biri Baharqızı olmağa layiq olsa da, görəsən kişi müğənnilər bu obrazı kimə daha çox yaraşdırırlar?

"Axar.az"ın sorğusunu səhnəmizin məşhur kişi müğənniləri cavablandırır.

Oksana Rəsulova

Həmişə olduğu kimi bu il də bayramı iş başında qeyd etməyi planlaşdıran müğənni Yaşar Cəlilov Baharqızı obrazını tanınmış simalardan ancaq bir xanıma yaraşdırdığını dedi: "Özü kimi rəqsləri də gözəl olan rəqqasə Oksana Rəsulovanı Baharqızı kimi təsəvvür edirəm".

Günay İbrahimli

Novruz bayramını çox dəyər verdiyi ailəsi ilə birgə keçirməyi planlaşdıran müğənni Əbdul Xalid isə Baharqızı obrazını gənc və istedadlı müğənni Günay İbrahimliyə yaraşdırır.

Aşıq Samirə

Bayramı Almaniyanın Köln şəhərində həmyerlilərimiz üçün təşkil ediləcək konsertdə çıxış edərək keçirəcək müğənni Abbas Bağırovun isə Baharqızı obrazında Aşıq Samirəni gördüyünü dedi.

Güllü Muradova

Müğənni Zəka Vilayətoğlu da bu bayramı ailəsi ilə qeyd edənlərdəndi. Onun fikrincə, Baharqızı olmağa layiq xanəndə Güllü Muradovadır: "Onun üzündə körpə məsumluğu bahar təravəti duyulur".

Natavan Həbibi

Müğənni Elariz Məmmədoğlu isə deyir ki, konsert tədbirləri ilə əlaqədar bu bayramı yolda qeyd edəcək: "Bölgələrin birində bayram konsertində iştirak edəcəyəm. Səhər gedib, axşam qayıdacağam. Bu səbəbdən bayramı yolda keçirəcəyəm. Bahar qızı obrazında isə gözəl müğənnimiz Natavan Həbibini görürəm".