Bir vaxtlar Fətullah Gülənin sağ əli olan yazar Lətif Ərdoğan camaat üzvlərinin gizli dinləmələr mövzusunda İsraildə təhsil aldığını açıqlayıb.

"Axar.az" xəbər verir ki, camaatın ən məşhur adlarından olan yazar Lətif Ərdoğan daha bir şok iddia da səsləndirib. Gizli dinləmələrlə əlaqədar olaraq danışan Ərdoğan Gülənin keçmişdən bəri dinləmələrə maraqlı olduğunu deyib.

Ərdoğan daha bir dəhşətli faktı da açıqlayıb. Lətif Ərdoğan Gülənin öz camaatını da dinlətdirdiyini, hətta söhbətlərində camaatına o dinləmələrdəki məlumatlarla bağlı açıqlamalar verdiyini də deyib.

Lətif Ərdoğan camaatın da bundan xəbərsiz olmadığını bildirib: "Əvvəllər bunu xoca əfəndinin kəramətinə bağlayırdılar. Sonra mən orda işləyənlərdən öyrəndim ki, bizi dinlədirlər. Bundan incimədik də zatən, o liderdir, toplumun önündə gedən insandır, olar belə şeylər. Amma xoca əfəndi bunları özü üçün eləmirdi, kimlərəsə ötürülürdü".