Ötən gecə saat 23.00 radələrində Salyan rayonunun Yeni Uluxanlı kəndi ərazisində ölümlə nəticələnən ağır avtomobil qəzası baş verib.

" Axar.az" bu barədə APA-ya istinadən məlumat verir.

Salyan polis şöbəsindən verilən məlumata görə, "Mersedes-Benz" markalı 99 CZ 678 dövlət nömrə nişanlı avtomobili idarə edən Salyan rayon Qarabağlı kənd sakini polis zabiti, polkovnik-leytenant, 1959-cu il təvəllüdlü Məmmədağa Nəriman oğlu Qəhrəmanov sərt döngədə avtomobili ağaca çırparaq aşırıb. Nəticədə polis zabiti aldığı bədən xəsarətlərindən hadisə yerində ölüb.

Qeyd edək ki, Məmmədağa Qəhrəmanov Hacıqabul rayon polis şöbəsinin Cinayət Axtarış Bölməsinin rəisi vəzifəsində çalışırdı.

Faktla bağlı Salyan rayon hüquq mühafizə orqanları tərəfindən araşdırma aparılır.