ABŞ ötən ay Obama Ərdoğan arasında telefon danışığında Fətullah Gülənlə bağlı ABŞ prezidentinin Ərdoğana "Mesaj alındı" deməsi xəbərini təkzib edib.

"Axar.az" xəbər verir ki, Ərdoğanın televiziya proqramlarından birində səsləndirdiyi Fətullah Gülənlə bağlı Obamanın verdiyi cavab Ağ Ev nümayəndəsi tərəfindən təkzib olunub.

Daha əvvəl ABŞ telefon danışığı ilə bağlı hər hansı bir açıqlama verməyəcəyini bildirsə də, Ərdoğanın internetdə yayılan telefon danışığını təsdiqləməsi, Ağ Evin yazılı bəyanat verməsinə səbəb olub.

Bəyanatda bildirilir ki, Barak Obama telefon danışığında Türkiyə ilə əlaqələrin qarşılıqlı hörmətə söykəndiyini və regional məsələlərdə bu ölkə ilə işbirliyinin davam etdirilməsindən bəhs edir.