Ukrayna xarici işlər naziri vəzifəsini icra edən Andrey Deşitsa Krımı heç bir ölkəyə güzəştə getməyəcəklərini deyib.

Məlumata görə, bunu Anrey Deşitsa bu gün Kiyevdə keçirdiyi mətbuat konfransında deyib.

"Krım bizim olub, bizimdir və bizim ərazimiz olraq qalacaq. Bizim prinsipial mövqeyimiz budur. Biz Krımı heç kəsə verməyəcəyik və Ukraynanın ərazi bötövlüyü qorumaq üçün əlimizdən gələni edəcəyik", - deyə Deşitsa bildirib.

O, bildirib ki, Ukraynanın mövqeyi Krım böhranını sülh yolu ilə həll etməkdən ibarətdir: "Biz kiminsə ölümünə yol verə bilmərik. Onsuz da çox itki vermişik. Bütün səylərimizi birləşdirmişik ki, böhranı diplomatik yolla həll edək" (ANS).