Krım Muxtar Vilayətinin referendum keçirilməsi ilə bağlı qərarı Dağlıq Qarabağdakı separatçıları həvəsləndirib.

"Axar.az" məlumatına görə, qondarma Dağlıq Qarbağ qurumu "prezidentinin" mətbuat katibi David Babayan "Regnum" agentliyinə bildirib ki, Krımda keçiriləcək referendum xalqların öz müqəddəratını müəyyənləşdirməyə imkan yaradan növbəti sübutdur. Babayan bildirib ki, xalqların taleyi öz əlindədir və əgər Krım belə qərar veribsə, deməli bu, onların maraqlarına uyğun gəlir.

Krımda keçiriləcək referendumun Dağlıq Qarabağ münaqişəsinin həllinə necə təsir edəcəyi ilə bağlı suala cavabında Babayan bildirib ki, bu proses Qafqaz və Avroasiyadakı münaqişələrin həllinə köklü şəkildə təsir edəcək.