"Formula 1" avtomobil yarışmasının 7 qat çempionu alman Mixail Şumaxerin sağalması yalnız möcüzə nəticəsində mümkündür.

"Axar.az"ın məlumatına görə, bunu İngiltərənin "Daily Mirror" qəzetinə müsahibəsində idmançının adının açıqlanmasını istəməyən həkimlərindən biri deyib. Onun sözlərinə görə, Şumaxerin sağlamlığının belə ağır vəziyyətə düşəcəyini zənn etmək mümkün deyildi: "Xəstənin vəziyyəti ağırlaşmaqdadır. Mixail hazırda ağır vəziyyətdədir. O, yalnız möcüzə nəticəsində sağala bilər. Biz ümidsizik".

Xatırladaq ki, Fransa dağlarında xizək sürərkən aldığı zədələr nəticəsində təcili Qrenobli Xəstəxanasına yerləşdirilən ünlü idmançı 2 aydan çoxdur koma vəziyyətindədir. Həkimlər 45 yaşlı alman pilotu komadan ayıltmağa ehtiyat edirlər.