Ana səhifə Gündəm |
Maraqlıdır, tanınmış xanımlarımız onlara aid xüsusi bayram günündə kimlərdən hədiyyə gözləyir? Onlara kimin verəcəyi hədiyyə daha önəmlidir?
"Axar.az"a dediklərini siz də bilin.
Həyat yoldaşım və oğlum
Xanim İsmayılqızı: "Həyat yoldaşımın və oğlumun hədiyyəsi mənə xüsusilə önəmlidir. Onlardan da hədiyyə gözləyirəm".
Hədiyyə etməyi daha çox sevirəm
Elnaz Eyvazlı: "Heç kəsdən hədiyyə gözləmirəm. Amma mənim üçün atamın və qardaşımın hədiyyə verməsi önəmlidir. Özüm hədiyyə etməyi daha çox sevirəm, ona görə də qızımla anama hədiyyə edəcəyəm. Təkcə bayramda deyil, ilin 365-günü bizə dəyər verilməlidi".
Aydın Dadaşovun kitabı
Sevinc Elsevər: "8mart Beynəlxalq Qadınlar bayramıdır. Onların həmrəylik günüdür, yəni beynəlxalq səviyyədə qadınlara verilən dəyərdi. Həyat yoldaşımdan hədiyyə gözləyirəm, qızlarım açıqca hədiyyə edib. Mənim üçün önəmli hədiyyə isə yoldaşım tərəfindən Aydın Dadaşovun yeni çap olunmuş kitabı olardı".
Beş-altı il olar ki, hədiyyə gözləmirəm
Səhər Əhməd: "Beş, altı il olar ki, heç hədiyyə gözləmirəm. Mənim üçün önəm daşımır, amma hədiyyə verənlər olur. Qadınların xüsusi hədiyyə gözləməsi mənə qəribə gəlir".
Xüsusi hədiyyə gözlədiyim adam yoxdur
Rəbiqə Nazimqızı: "Xüsusi hədiyyə gözlədiyim adam yoxdur. Amma bilirəm kimlər hədiyyə edəcək. Anama hər dəfə hədiyyə almasam da, gəlinlər üçün alıram. Mənim üçün xoşuma gələn hədiyyə önəmli sayılır".
Tarix
2014.03.08 / 14:48
|
Müəllif
Gülnarə Kərimova
|