"Cövhər Dudayev" sülhməramlı dəstəsinin yaradıcıları Qafqaz xalqlarına müraciət ünvanlayıb.

"Axar.az" xəbər verir ki, müraciət çeçen mücahidlərinə aid saytlarda yerləşdirilib.

Müraciətdə sülhməramlı dəstənin rəhbərliyi Rusiyaya qarşı hər kəsi mübarizəyə səsləyib. "Rusiyanın Çeçenistan və Gürcüstanda etdiklərini hamı gördü. Azərbaycan ərazilərini erməni silahlıları vasitəsiylə işğal etdirdi. Onlarda rəhbərlik dəyişir, amma siyasətləri dəyişmir. Artıq mübarizə vaxtı çatıb". Müqaviləni imzalayan 5 nəfər sırasında azərbaycanlı polkovnik İsa Sadıqov da olub.

Qeyd edək ki, "Cövhər Dudayev" dəstəsi Ukraynada ruslara qarşı döyüşmək üçün yaradılıb.