Fransada "Lans"ın səhmlərini alan, "Atletiko" formasının üzərinə "Land of Fire Azerbaijan" yazdırmaqla bu komandayla əməkdaşlıq edən "Bakı" klubunun prezidenti Hafiz Məmmədov İngiltərədə də klub alacaq.

Bu barədə Hafiz Məmmədovun özü məlumat verdi:

"Düzdür, bizə təkliflər var və düşünürük ki, Almaniya və İtaliyadan öncə İngiltərədə futbol klubu alaq. Bizə təkliflər çoxdur, amma diqqət mərkəzində saxladığımız 3 klub var. Bunlar da "Lids", "Çarlton" və "Şeffild Vednsday" klublarıdır. Biz bunları nəzərdən keçirərkən klublardan hansının daha qədim tarixə malik olmasını, azarkeşlərinin çox olmasını nəzərə alırıq. Bu baxımdan adını çəkdiyim 3 klubu fərqləndirmək olar. Variantları və imkanları dəyərləndirib bu üç komandadan birini almaq niyyətindəyik. Bizə indi bir çox ölkələrdən, o cümlədən Rumıniyadan da təklif var, amma hazırda İngiltərə klubları barədə düşünürük".(Stadium.az)