Ana səhifə Planet |
"Rusiya Krımı işğal etmək planını altı il əvvəl hazırlamışdı".
"Axar.az" xəbər verir ki, bu açıqlama ilə Rusiya Prezidenti Vladimir Putinin eks-məsləhətçisi Andrey İllarionov çıxış edib.
O iki gündən sonra Ukraynanın taleyinin bəlli olacağını deyib. "İki gündən sonra Krımla bağlı Duma və Təhlükəsizlik Şurası qərar qəbul edəcək. Bir gün gözünüzü açıb görəcəksiniz ki, Krımda əsgərlərin hər birinə rus paltarı geyindirib ağır silahlarla təhciz ediblər. Bu onsuzda olacaq. Putin hələ bunu altı ilə öncə planlaşdırmışdı. Ardınca isə cənub və şərq bölgələriniz işğal ediləcək. Qarşınızda iki variantınız qalır. Ya Çexoslovakiya kimi qalmaq, ya da ki Finlandiya variantını seçmək. Qərbə ümid etməyin. Axırıncı dəfə onlar Gürcütana dəstək verəndə Putin Tiflisin 35 kilometrliyinə çatmışdı. İndi isə onun əllərini heç kim bağlamır. Məsələ Krımın yox Ukraynanın işğalıdır".
Qeyd edək ki, Krım rəhbərliyi Ukrayna hakimiyyətini tanımaqdan imtina edib.
Tarix
2014.03.08 / 10:53
|
Müəllif
İlkin Həsənov
|