2013-cü ildə Avropada satışa çıxarılan ABŞ, Koreya, Avropa və Yaponiya mənşəli 30 yeni modelin yarışdığı 2014 "Car of the Year"ın (İlin avtomobili) qalibi müəyyən olub.

84-cü Cenevrə avtomobil sərgisində 22 Avropa ölkəsini təmsil edən mətbuat mənsublarından ibarət olan münsiflər tərəfindən yeni "PEUGEOT 308"-ə 2014 "Car of the Year" mükafatı verilib.

22 avropa ölkəsindən gələn 58 mətbuat üzvü yeddi finalist model arasından seçimlərini edib. Bundan əvvəl 1969-cu ildə 504, 1988-ci ildə 405 və 2002-ci ildə 307 modelləri ilə "Car of the Year" mükafatını alan "Peugeot" 2014-cü ildə də yeni 308 modeli ilə bu mükafata layiq görülüb.