Gömrük İttifaqının yaradıcılarından olan Qazaxıstan və Belarus Krımda keçiriləcək qondarma referenduma müşahidəçi göndərməyəcəyini açıqlayıblar.

"Axar.az"ın Unian İnformasiya Agentliyi istinadən məlumatına görə, indiyə qədər Müstəqil Dövlətlər Birliyinə daxil olan ölkələrdən yalnız Qazaxıstan və Belarus mövqeyini ortaya qoyub, digər MDB ölkələri isə gözləmə mövqeyindədirlər.

Qazaxıstan və Belarusun bu kəskin mövqeyi isə Rusiyanın maraqlarına ciddi zərbədir. Çünki Gİ-nin əsas dövlətləri məhz bu ölkələr sayılır.

Xatırladaq ki, Ukraynanın parçalanmasına hesablanan referendum barədə fikirlərini açıqlayan Krımın Baş naziri Sergey Aksyonov prosesə "etibar etdiyi" müşahidəçiləri dəvət edəcəyini açıqlamışdı.