Ana səhifə Planet |
İngiltərə Baş naziri David Kameronun sosial şəbəkədə paylaşdığı fotosu polemikaya səbəb olub.
"Axar.az" ingilis mətbuatına istinadən xəbər verir ki, David Kameron ABŞ Prezidenti Barak Obama ilə telefon danışığı zamanı çəkilən fotosunu paylaşıb və altında "Barak Obama ilə Ukraynadakı vəziyyəti müzakirə etdik. Rusiyanın səhv addım atması ilə bağlı eyni qərara gəldik!" şərhini yazıb.
Bu paylaşımdan sonra Baş nazirə onun yazdıqlarını məsxərəyə qoyacaq bir neçə tvit atılıb. Tvit atanların arasında məşhurlara da rast gəlmək olar.
"Star Trek" (Kosmos Yolu) serialında rolu ilə məşhurlaşan aktyor Patrik Stüart bir qutu yaş dəsmalı qulağına tutaraq çəkdirdiyi fotoşəkili paylaşıb və "Mən də indi aranıza qatıldım. Gecikdiyim üçün üzr istəyərəm" şərhini yazıb.
Tanınmış komediya aktyoru Rob Delaney isə "Salam millət, mən də indi xəttəyəm. Məni də mövzudan xəbərdar edin" - deyərək diş məcunuyla çəkdirdiyi şəkli paylaşıb.
Tarix
2014.03.07 / 00:25
|
Müəllif
Tural İbadov
|