Ana səhifə Planet |
Kiyevin Şevçenko Rayon Məhkəməsi Krımın yeni baş naziri Sergey Aksyonovun və muxtar vilayət parlamentinin spikeri Vladimir Konstantinovun həbsi ilə bağlı ibtidai istintaq orqanlarının vəsatətini təmin edib.
Verilən məlumata görə, bu barədə Ukrayna Baş Prokurorluğunun (UBP) mətbuat xidmətindən bildirilib.
"Ukrayna Təhlükəsizlik Xidmətinin əməliyyatçıları adı çəkilən şəxsləri onlar haqda həbs-qətimkan tədbirinin seçilməsi üçün məhkəməyə gətirməlidirlər", - deyə məlumatda bildirilir.
Az öncə UBP bu iki şəxs, həmçinin Ukrayna Hərbi Dəniz Qüvvələrinin sabiq komandanı Denix Berezovski və Xalq Azadlıq Dəstəsinin lideri Pavel Qubarev haqda Cinayət Məcəlləsinin 110-cu – ölkənin ərazi bütövlüyü və toxunulmazlığına qəsd maddəsi üzrə cinayət işi açıb ("Musavat.com").
Tarix
2014.03.06 / 01:07
|
Müəllif
Axar.az
|