Kolumbiyalı Nobel mükafatlı yazıçı Qabriel Qarsia Markesin "Yüz ilin tənhalığı" romanının ilk nəşrlərindən biri oğurlanıb.

Axar.az BBC-yə istinadən xəbər verir ki, keçən il 87 yaşında vəfat edən Markesin imzası olan kitab həftə sonu Kolumbiyanın paytaxtı Boqotada keçirilən Beynəlxalq Kitab Sərgisində oğurlanıb. Polis təhlükəsizlik kameraları vasitəsilə oğrunu tapmağa çalışır.

Kitabın sahibi Alvaro Kastillo 1967-ci ildə nəşr olunan kitabın 60 min dollar dəyəri olduğunu deyib. Markes Alvaroya verdiyi kitaba bu sözlərlə imza atıb: "Köhnə kitablar satan Alvaro Kastilloya. Keçmişdən sonsuzadək həmişə dostun olaraq qalacaq Qabo".