Meksikada hərbi keçid zamanı əsgərlərdən biri ölüm qarşılığında belə bayrağı buraxmayıb.

ANS-in məlumatına görə, ölkənin Duranqo şəhərində keçirilən hərbi tədbirə nəhəng bayraq gətirilib. Bayrağı hər tərəfdən çox sayda əsgər tutub. Lakin güclü külək əsdiyi üçün hərbçilər bayrağı tuta bilməyəcəklərini anlayıb və onu buraxıblar.

Əsgərlərdən biri isə bayrağı buraxmayıb. Bu zaman o, nəhəng bayraqla birlikdə havaya qalxıb və bir müddət havada bayraqdan asılı vəziyyətdə qalıb.

Külək səngiyəndə isə bayraq yerə düşüb. Bu zaman əsgər də bayraqla birlikdə yerə çırpılıb. Xoşbəxtlikdən hərbçiyə ciddi xəsarət dəyməyib.

O, bu hadisədən yüngül xəsarətlərlə xilas ola bilib. Ölüm qarşılığında belə bayrağı buraxmayan əsgərin bu görüntüsü isə internetdə sürətlə yayılaraq böyük marağa səbəb olub.