Məşhur türkiyəli aktyor Halit Ərgənc Gəncə aeroportunda dava salıb.

Axar.az xəbər verir ki, "Əli və Nino" filminin çəkilişləri üçün yenidən ölkəmizə gələn aktyor Gəncə aeroportunda viza ilə bağlı problem yaşadığı üçün əsəbiləşib.

Viza növbəsində gözləməkdən yorulan məşhur aktyor bu hörmətsizliyə qışqıraraq reaksiya verib. Hadisəyə müdaxilə etmək üçün yanına gələn aeroport işçiləri aktyoru tanıyaraq hadisəni dərhal həll ediblər. Aktyordan üzr istəyən işçilər viza problemini də tezliklə aradan qaldırıblar.

Xatırladaq ki, Halit Ərgənc Qurban Səidin "Əli və Nino" romanı əsasında ölkəmizdə çəkilən eyniadlı filmdə Azərbaycan Xalq Cümhuriyyətinin ilk baş naziri Fətəli Xan Xoyski rolunu canlandırır.