Sosial şəbəkələrdə Nizami küçəsi yaxınlığında yerləşən "Hiss klub"da davanı əks etdirən video sürətlə yayılmaqdadır.

Axar.az xəbər verir ki, iddiaya görə, videodakı görüntülər "Hiss klub"da ingilis turistlərin mühafizə polisini döydüyünü əks etdirir. Qeyd olunur ki, faktla bağlı hələlik həbs edilən yoxdur və cinayət işi də açılmayıb. Təhlükəsizlik kamerasında görüntülərin 2 may 2015-ci ildə, gecə saat 01:32-də baş verdiyi əks olunub.

Milli.az saytı isə hadisənin sərxoş ingilis idmançılar tərəfindən törədildiyini bildirir. Saytın məlumatına görə, mühafizəçi onları kluba buraxmadığına görə sərxoş ingilislər mühafizə polisinin əməkdaşını döyürlər. Vurğulanır ki, mühafizəçinin çənə sümüyü qırılıb. Mühafizəçini döyən şəxs hüquq-mühafizə orqanları tərəfindən saxlanılsa da, sonradan azad edilib.

Hadisə ilə bağlı rəsmi açıqlama almağa çalışırıq.