Ana səhifə Kult |
Bu günlərdə Dağıstanın Dərbənd Dövlət Azərbaycan Dram Teatrı İtaliya dramaturqu K.Haldoninin pyesi əsasında "Elanla gəlin" tamaşasının yeni tamaşasını teatrsevərlərin ixtiyarına verib.
Teatrın mətbuat xidmətindən Axar.az-a verilən məlumata görə, İtaliya milli komediyasının banisi K.Haldoninin yaradıcılığının son dövrlərində (1763) yazdığı "Elanla gəlin" (pyesin bir adı da "Müsabiqə ilə nikah"dır) komediyasını azərbaycan dilinə Dağıstan Respublikasının əməkdar mədəniyyət işçisi Yaqut Xandadaşova tərcümə edib.
Teatrın direktoru Yadulla Həşimovun məlumatına görə, tamaşanın quruluşçu rejissoru beynəlxalq teatr festivalları laureatı, "Turandot" Teatrının bədii rəhbəri Vladimir Jukov, quruluşçu rəssamı Naidə Əlimətova, musiqi tərtibatçısı Dağıstanın əməkdar artisti Sevda Bəybalayevadır. Tamaşada Əlimövsüm Abbasov, Kəmalə Rzayeva, Rəhilə Ömərova, Əfsanə Məlikova, Məhərrəmov Ömərov, Dinşah Abdulqafarov, Hörmət Aslanov, Canpolad Əmiyev, Furqat Aslanzadə, Sərxan Səmədov, Saladunxan Bədirxanov, Diləfrüz Şıxməmmədova, Təhminə Ömərova, Mədinə Hacıağayeva, Nazim Bəybalayev və Səidə Əliyeva çıxış edirlər.
Tarix
2015.05.05 / 02:00
|
Müəllif
Nilufər Muğantürk
|