Ana səhifə Gündəm |
"Rusiyanın bu siyasəti yalnız Ukrayna ilə Ermənistan arasında fərqdə özünü göstərmir".
Axar.az xəbər verir ki, bu açıqlama ilə politoloq Elxan Şahinoğlu çıxış edib. O bildirib ki, Moskva Ermənistanı Ukraynadan üstün tutur:
"Moskva Ukraynada Stepan Banderanın qəhrəman elan edilməsini pisləyir, bunu fazişmin təbliğatı sayır, Kiyevi yerdən yerə vurur, ancaq Hitlerə xidmət etmiş erməni Dronun və Njdenin Ermənistanda qəhrəman elan edilməsinə, onların adına küçə adlandırmasına, heykəl qoyulmasına göz yumur. Prezident İlham Əliyev də Rusiyanın RTR kanalına müsahibəsində bu fərqə işarə etdi. Başqa bir fakt: Rusiya Prezidenti Putin Fransa Milli Cəbhəsinin fəxri lideri, millətçi Jan Li Penə qucaq açır, onu Moskvaya dəvət edir, ona görə ki, fransız millətçi Ukrayna məsələsində Kreml sahibinin siyasətini dəstəkləyir. Ancaq həmin Li Pen bugünlərdə deyib ki, faşistlərin qaz kamerası tarixin kiçik detalıdır. Yəni bu adam faktiki olaraq faşistlərə haqq qazandırıb.
Rusiya təbliğatı Sağ sektorun lideri Dmitri Yaroşu faşist adlandırıb onu yıxıb sürüyür, Li Penə isə susur. Halbuki Yaroş heç zaman alman faşistlərinə haqq qazandıran fikir söyləməyib".
Tarix
2015.05.05 / 00:45
|
Müəllif
Aygün Yusibova
|