Ana səhifə Gündəm |
Azərbaycan Müdafiə Nazirliyi bəzi elektron kütləvi informasiya vasitələrində və sosial şəbəkələrdə hərbi texnikanın, canlı qüvvənin hərəkəti ilə bağlı video-görüntülər yayılması ilə əlaqədar açıqlama verib.
Axar.az Müdafiə Nazirliyinin rəsmi saytına istinadən xəbər verir ki, açıqlamada hərbi hissələrin, döyüş texnikasının, şəxsi heyətin və digər hərbi elementlərin dislokasiya yerinin dəyişməsi, əvəzlənməsi və yenilənməsi Silahlı Qüvvələrin komandanlığının səlahiyyətləri çərçivəsində olduğu və əvvəlcədən təsdiq edilmiş plana uyğun olaraq həyata keçirildiyi bildirilib.
"Qoşunların döyüş hazırlığı səviyyəsinin yoxlanılması məqsədilə Müdafiə nazirinin əmrinə və Silahlı Qüvvələrin Baş Qərargah rəisinin sərəncamına əsasən hərbi hissə və birləşmələr planlı şəkildə "Həyəcan" siqnalı ilə qaldırılaraq onların döyüş qabiliyyəti və manevr imkanları yoxlanılır", - Nazirlik bildirib.
Tarix
2015.04.21 / 17:52
|
Müəllif
Axar.az
|