Gürcüstan prezidenti Georgi Merqvelaşvili aprelin 24-də İrəvanda keçiriləcək qondarma erməni "soyqırımı"nın 100 illiyinə həsr olunan tədbirlərdə iştirak etməyəcək.

Report xəbər verir ki, bu haqda Gürcüstan prezidentinin beynəlxalq məsələlər üzrə müşaviri Tengiz Pxaladze bildirib.

O, bunu həmin günlərdə Belarus prezidenti Aleksandr Lukaşenkonun Gürcüstanda rəsmi səfərdə olacağı ilə əlaqələndirib. Bu səbəbdən də Georgi Merqvelaşvili Tiflisi tərk etməyəcək.

Bir müddət öncə Gürcüstan hökumətinin nümayəndələri də baş nazir İrakli Qaribaşvilinin aprelin 23-24-də Yerevana səfər edəcəyini təsdiqləməmişdi.

Gürcüstan parlamenti də 1915-ci il hadisələri ilə bağlı məsələyə baxmaqdan imtina edib.