Ana səhifə İdman |
Yaşar Seyidov yenidən "Bakı" klubunun icraçı direktorluğuna qayıdıb.
Qol.az yazır ki, Seyidov futbolçuların məşqlərə çıxmadığını təsdiqləyib:
"Klubun futbolçulara bir aylıq maaş borcu qalıb. Buna baxmayaraq, bəzi futbolçular "Qarabağ"la bu gün keçiriləcək oyuna çıxmayacaqlarını bildiriblər".
Y.Seyidov istənilən halda bu gün Premyer Liqanın "Bakı" - "Qarabağ" oyununun keçiriləcəyini deyib:
"Bu gün meydanda fərqli "Bakı" görəcəksiniz. Bizim Peşəkar Futbol Liqasına sifariş etdiyimiz xeyli oyunçu var. Məşqə çıxmayan futbolçular isə ya bu hərəkətlərinə görə üzr istəməli, ya da komandadan getməlidir. "Bakı" klubu bu futbolçuların hər biri üçün valideyn kimi olub. İndi həmin oyunçular bizim üzümüzə ağ olurlar. Onlara ayıb olsun".
Klub rəsmisi komandanın məşqçilərinə də etirazını bildirib: "Əgər bir məşqçi 1997-ci il təvəllüdlü futbolçularının öhdəsindən gələ bilmirsə, deməli, o, məşqçiliyə hazır deyil".
Tarix
2015.04.05 / 18:08
|
Müəllif
Emin Aslanlı
|