Ana səhifə Kult |
"Bəzi bölmələr var ki, onlar razılaşdırma əsasında yerli icra hakimiyyətləri tərəfindən maliyyələşirlər".
Bu fikirləri Azərbaycan Yazıçılar Birliyinin Qarabağ bölməsinin sədri Ənvər Əhmədin bölmənin vəziyyəti ilə bağlı Axar.az-a verdiyi açıqlamaya münasibət bildirərkən qurumun mətbuat xidmətinin katibi Xəyal Rza səsləndirdi:
"Azərbaycan Yazıçılar Birliyi heç bir bölməni maliyyələşdirmir. Buna maliyyə imkanları yol vermir. Bəzi bölmələr var ki, onlar razılaşdırma əsasında yerli icra hakimiyyətləri tərəfindən maliyyələşirlər. Qarabağ bölməsi ilə bağlı da belə bir razılaşdırma baş tuta bilər. Bu məsələ diqqətimizdədir".
Qeyd edək ki, Ənvər Əhməd Axar.az-a açıqlamasında AYB-nin Qarabağ bölməsinə vəsait ayrılmadığını və özünün də maaş almadan işlədiyini bildirmişdi.
Tarix
2015.03.20 / 13:34
|
Müəllif
Nigar An
|