Ukrayna və Gürcüstan 2015-ci ilin mayında Avropa Birliyi ilə vizasız gediş-gəlişlə bağlı razılaşma imzalaya bilər.

Axar.az xəbər verir ki, bu barədə informasiyanı "dw.de" saytı özünün etibarlı mənbələrinə istinadən yayıb.

Saytın məlumatına görə, viza razılaşması ilə bağlı hazırda razılıq mövcud deyil. Avropa Birliyinin tələblərinə əsasən, Ukrayna və Gürcüstan müqavilə imzalanmasından öncə üzərinə götürdüyü öhdəlikləri yerinə yetirməlidir.

Qeyd edək ki, bundan öncə Ukrayna Prezidenti Pyotr Poroşenko Rumıniyanın Ukrayna və Avropa Birliyi arasındakı vizasız rejimi dəstəkləməyə hazır olduğunu bildirmişdi.