Ana səhifə Kult |
Mədəniyyət və turizm naziri Əbülfəs Qarayev Novruz bayramı münasibətilə mədəniyyət və turizm sahəsində çalışan insanları təbrik edib.
Axar.az xəbər verir ki, təbrikdə minillik humanist dəyərlərimizin, adət-ənənələrimizin təcəssümü olan Novruzun insanları birliyə, bərabərliyə səslədiyi qeyd olunub. Bildirilib ki, fəlsəfəsində insan və təbiət münasibətlərinin dayanması, mütərəqqi keyfiyyətləri özündə ehtiva etməsi Novruzu əziz bayrama çevirib:
"Ölkəmizin yüksək inkişaf yolunda olmasına, müasir dünyaya inteqrasiya etməsinə baxmayaraq, Azərbaycan Respublikasının Prezidenti cənab İlham Əliyev və Azərbaycanın birinci xanımı, Heydər Əliyev Fondunun prezidenti, UNESCO və İSESCO-nun xoşməramlı səfiri Mehriban Əliyevanın xüsusi diqqət və qayğısı sayəsində ulularımızdan bizə əmanət qalan mənəvi dəyərlər möhkəm qorunur, təbliğ olunur, Novruz bayramı da ildən-ilə daha təntənə ilə qeyd edilir. Məhz Mehriban xanım Əliyevanın təşəbbüsü və səyləri ilə 2009-cu ildə Novruz UNESCO-nun qeyri-maddi mədəni irs siyahısına daxil edilmiş, 23 fevral 2010-cu ildə isə BMT Baş Assambleyasının 64-cü sessiyasının iclasında mart ayının 21-i "Beynəlxalq Novruz Günü" elan edilib".
Təbrik məktubunun sonunda nazir Əbülfəs Qarayev mədəniyyət və turizm ictimaiyyətinə Novruz bayramı münasibətilə möhkəm can sağlığı, uzun ömür, ailə xoşbəxtliyi və yeni-yeni nailiyyətlər arzulayıb.
Tarix
2015.03.19 / 19:00
|
Müəllif
Nilufər Muğantürk
|