Federal Təhqiqat Bürosunun (FBI) uzun illərdir Afrika əsilli Amerika yazarlarını izlədiyi məlum olub.

Axar.az türk mediasına istinadən xəbər verir ki, professor Miliam Maksvelin apardığı araşdırmaya görə, büro hazırda 50-dən çox qaradərili yazar haqda 14 min səhifəlik hesabat hazırlayıb. Maksvelə görə, bu izləmənin səbəbi Afrika əsilli qaradərili yazarların marksizm və kommunizmlə bağlı fikirləri və Amerika hökumətinin "qara radikalizm" şübhəsidir.

Qeyd edək ki, əvvəllər də Laqnston Hyucz və Ceyms Baldvin kimi qaradərili yazarlar FTB tərəfindən izlənilmişdi. Professor Maksvelin Yamaykada doğulmuş yazar Klaudi Mikeylə bağlı apardığı araşdırmada FTB-nin yazar haqqında 193 səhifəlik bir hesabat hazırladığı və hesabatlarda "pis ad almış bir inqilabçı" kimi tanındığı ortaya çıxıb.